| { | |
| "sklearn": { | |
| "environment": [ | |
| "scikit-learn=1.1.3" | |
| ], | |
| "example_input": { | |
| "data": [ | |
| "Wje mayelin onghereit pieter van der beyke andries jnghel jehan de bleyer en jacob de bere Sceipenen mire vrauwen der Abbedessen van meessine jn nortscoten ende jn zuutscoten jn dien tyden doen te weitene tolle den gonen die deisen chaertre sullen zien of horen leisen Dat ledenaerd van den cole portre jn ypre heift ghecocht en ghecreighe ervelike te sine bouf en te sijns hoyrs bouf jeghen jacob cruken poortre jn ypre .vijf. vierendeel ymeits lants ligghende jn de proghye van zuutscote namelike binder vierscare mire vrauwen vors dat es te weitene oostwaert over dypre jeghe de woninghe marie sbuerechgrauen oostwaert over de strate streckende oost wart toter steenstrate moelne tussche martins broukers lande en johan covents lande an de zuutside ende clais onghereiden lande an de noortzide belast dit vors lant met twalef scellinghe en achte peninghe siaers erveliker rente Dan of gheldende vijf scelle par den covente van meessine En zevene scellinghe en achte peninghe paris der kerke van zuutscoten van den welken vors lande die vors jacob cruke hout hem wel vernoucht en betaelt En heuets ghegheuen halm en ghifte den here willem daenssone capelaen tvors leidenaerds van den cole en tsijns hoirs bouf wel en wettelike na costumen en vsagen van der vierscare mire vrauwen vors En heuet belooft te warendeirne van ollen calengen jeghe olle lieden quite lant ome quite ghelt behouden die vors twalef scelle en achte pene par ervelike rente En vort mire vrauwen van meessine scout en el niet vte gaende En na deisen dinghen ghedaen so quam die vors her willem en kende dien vors jacob cruken ende sinen hoyre dit vors lant te houdene te ewelijcheiden sijn gront te bliuene ome viere en twintich scellinghe paris siaers erveliker rente Te gheldene te sinte bauesmesse deerste die comen sal den vors ledenaerde en sine nacomers of den bringher van deisen chaertre En olso vort van jare te jaren ten payemente vors ewelike gheduerende En es te weitene dat jacob cruke en sine nacomers moeten deise vors viere en twintich scelle par ervelike rente bringhen typre den vors ledenaerde of sine nacomers of den gone die deisen chartre te hem waert heben sal ten eerste sinte bauesdaghe sonder sine cost ende also vort van jare te jare ewelike gheduerende En wart olso dat die vors jacob of sijn hoyr niet ne golden dien vors ledenaerde of sine nacomers of den bringher van deiser lettre dese vors ervelike rente en het verleide viertiene daghe achter den dach van so welken payemente dat het ware onvergolden so mochte de vors ledenaerd of de bringher van deiser lre enen bode zenden der ome en vijf scelle par elkes daghes verteren vp jacobpe vors of vp sijn hoyr tote dat hi vulgolden ware Ende wart olso dat teen payement tander achter haelde onvergouden so mochte die vors ledenaerd of de bringher van desen chaertre hant slaen an ol dit vors lant en notent en plotent en houdent over sine eghyne gront sonder enichghe wet der toe te doene Jn orcsceipen van deisen vors dinghe en bi versoukene van beden ptyen so hebben wi scepene vornoomt desen chaertre gheseighelt met onsen propren zeghelen vuthanghende Dit was ghedaen jnt jaer ons heren os me screef .m.ccc. en .zeventich. vp den .xx.sten dach van woydemaent J de bleyer", | |
| "Jn den name ons heen heeft ghemaect de haude gheeraert Raephoeft zine ordinache en vtste wille eerst beuelende he en sine ziele zine sceppe den ghebenediden vader va hemelrike ziner ghebenedid moed en allen gods heleghen En wille voert dat nees fuex die me seit vranx hebbe en behaude paisiuel vijf halst en eene viertale mesteluus binne .iiij. d naest den beste taudenaerde te leuerne te hare liue En daer toe een pont gro tsiaers oec te hare liue op sine huse en herue staende te pamele an deen zide naest gheeraerts van de hende en an dand zide naest jan vranx in diere cdicie dat zijn hoir hare besette moghe binne vrihede daer zij alsoe wel beset zijn ofte bet voert so heeft de vors gheer ghegheue en gheeft ziere met rine gheeraerts docht zijns soens een buure mersche lettel min of meer eewelijc duerende ne mare dat gheer vors vercoepe mochte op dat hi wilde maer hi wille dat zijn zone en zijn docht dit goet note en ploten euenghelijc toet an der tijt dat sine metne vors groet ghenouch es te treckene te huweleke of te eeneghe andre state dan wilt gheer vors dat zout heffe eewelijc en erfelijc maer stoorf ze zond eenech wettelijc hoir bute huwelike ofte eeneghe bande van religioene So wilt gheer vors dat de gront vors altoes keere te sine hoire waert jt gheeft gheer vors noch ziner metrine vors zijn bedde daer hi op leit met al dattertoe behoert jt gheeft gheer vors mine hee va Eename en sine couete zesse ponde par op de tijt dat me sine huutvaert doen sal te petanche En der abderssen en couete van d maegdendale .iiij. lib par oec te petache jte int hospitael taudenaerde .xxiii. sc par te petanche jt plaex docht gheeraerdine siere metrine .xxiiij. sc par jte gheeft gheer vors ter fabriken der kerke van pamele .xx. sc par tsiaers erfelike die he de wedewe snellaerts erfelike schuldech es en daer af zijn cirogphie jte so gheeft gheer vors te sine jaerghetide jonfr mergriete zijns wijfs was gheeraerts zijns soens en jonfr mergriete ziere docht .xv. sc par tsiaers erfelike op baeniaerts hofstede te scoeresse jte te matne op tolfaerts hofstede .viij. sc par tsiaers erfelike en die pleghe te gheldene jans kindre va den dale die me seit van kaniant jt op valx ofstede .xij. sc par tsiaers erfelike tscoersse en dese jaerghetide te doene jaerlijcs in de kerke van pamele en dit in diere maniere met vigillie sauonts en smaerghes met cmendatie met diacone en subdiacone en eene poese sauonts te ludene en smaerghes hier af den pape .vj. sc par den coste .iiij. sc par elke capellaen die daer comt te dienste en helpe doen .iij. sc par en diere niet comt niet hebbe sal en den scoolmeeste .iiij. sc par En voert dat de kercmeests doen hebbe .xij. kerssen en .xij. miten der in ome te offerne ou de ziele en datt ou blijft van d vors rente dat sal de kerke hebbe te hare pourfite en dit beghert gheer vors dat ment teekene in den jaerghetide bouc Voert gheeft gheer vors onser vrauwe ghulde te pamele .xx. sc par tsiaers erfelike op thuus en herue jans van hoelant was naest de beghine te pamele dats te wetene als me de ghulde op heft en tote an der tijt dat men se op heft wilt gheer vors dat se de kerke hebbe te harer fabrike jt gheeft gheer vors de beghine in de borch de beghine bacht kerken in de cluse en de beghinen te pamele elc va den .iij. coueten .vj. sc par jt gheeft gheer vors sine pchipape .vj. lib par te verdienne en voert so schelt hi he al quite dat hi he schuldech es boue .ix. lib par en de .xxx. sc par die hi schuldech es te sente martinsmesse schelt hi hem oec quite jt den coste mits den .xij. sc par die hi he schuldech es .xxiiij. sc par jte so gheeft gheer vors grielkine zijns zoens bastaerde docht .xviij. lib par jt gheeft gheer vors boidine en arekine dreete elken .iij. sc gro jt gheenine sine petrin .vj. sc gro En oec wilt gheer vors vondemer mee schulde die me redenlike toeghen mochte dat me die golde met sine goede jn kenessen der waerheden So hebben wij arent cabeliau F. mer jans fransois crupeninc en lodewijc vande hecke alse schepene in audenaerde de transscrifte van deser pnter ordinanchen bezeghelt elc onser met sine ppren zegle vte hanghende Dit was ghedaen int jaer ons heen als me screef .xiijc. en xcij. den xxviij.sten dach van septembre", | |
| "Wij scepen van Ruddershouen maken Cont en kenleec allen den ghenen die nu sijn en hier na wesen selen Dat Wouter van der weeden Es Comen vor Ons En heeft verkent en verlijt dat hi es schuldich aernoud pande-laerde twintich schellinghe parisise tsiaers erfleke durende Dats te verstane Eene ouden conincs groten tornoysen Ouer twalef penninghe paris Oft de waerde daer af jn anderre goeder munten te gheldene jaerlics telken kershauonde En dese vornomde twintich schellinghe paris heeft wouter vorseit bewijst en beset wel en wetteleke den vornomden arnoude Oft den ghene die desen tChaertre bringhen sal erfleke staende up een dachwant en een alf lants ligghende jn de cleene steent in den horinc ter brugghen waert en up twee en een alf dachwant lants ligghende an sijn velt lettel men Oft meer vort waer dat sake dat wouter vorseit oft de ghene die de vornomde Erfachtichede houden selen niet en golden jaerlics erfleke durende de vorseide twintich schellinghe par arnoude vornopt oft den ghenen die desen tChaertre bringhe sal ten vors daghe jn al d manieren dat vorsproken es so mochte ar-noud vornompt oft de ghene die desen tChaertre bringhen sal slaen sijn hant an den vors pant ghe-lijc an sijn proper Erue en om dat wij scepen van Ruddershoue vors willen dat alle dese vorsprokene vorworden selen bliuen goet vast en ghestade en wel ghehouden teeweleken daghen so hebben wij dese lettren gheseghelt met Onsen zeghele huuthanghende En behouden Elcs mans Rechte Dit was ghedaen jnt jaer Ons heen doe men screef dertienhondert achte en dertich jn sentenichasis daghe" | |
| ] | |
| }, | |
| "model": { | |
| "file": "middle_dutch_text-classification.pkl" | |
| }, | |
| "model_format": "pickle", | |
| "task": "text-classification" | |
| } | |
| } |